மஞ்சத்தில் மயங்கிட முறையிடுதே..!
உன்னை கடந்தால் காதல் பதறிடுதே..!
உன்னுடன் கலந்து உலவிட உருகிடுதே..!
கன்னியின் கனவுகளிலும் என் காதலின் கதறல் காட்சி அரங்கேறவில்லையோ..??
உயிராய் உருகும் ஓர் உயிரிடம் உரையாட உணர்வில்லையோ..??
காதல் என்றும்.. எண்ணிலும்.. ஒன்று தான் ..!
அதன் பக்கத்தில் பூஜியம் பல சேர்ந்தாலும் அதன் மதிப்பு மறையாத மரபு தான்..!
பூஜியம் பக்கம் நின்றவுடன் அந்த ஒன்றாகிய காதலை அழிப்பது இன்றைய இயல்பு தான் ..!
மனமே சிரிக்க பழகிவிடு அந்த மரணத்தை மறந்து தான்..!
உணர்வை இழக்கிறேன்..
என்னிடம் உயிர் இருப்பதை மறக்கிறேன்..!
நினைவோடு நடக்கிறேன்..!
என் நாட்களை அதனால் கடக்கிறேன்..!
தனிமையில் காதலை நேசிக்கிறேன்..!
உன் தேவையை ஆகையால் தவிர்க்கிறேன்..!
உன் வார்த்தைகளால் ஏய்த அம்புகளின் குறி தவறவில்லையே..!
அவை வலிகளை உணர்த்தியது என் விழி வழியே..!
உன்னாலே உயிர் உணர்கிறேன்..!
உன் துணையின்றி மரணம் வேண்டுகிறேன்..!
காதலே..காதலே..உண்மை சொல்கிறேன்..
இப்போதும் உன் மேல் காதல் கொள்கிறேன்..!
No comments:
Post a Comment